هروب لاعب مصارعة للعب باسم فرنسا.. ووالده: بيقبض 2200 جنيه وبيستلف جزمة اللعب
شهدت بعثة المنتخب الوطني للمصارعة المتواجدة حاليا في تونس، واقعة مؤسفة بعد هروب أحد اللاعبين من مقر إقامة المنتخب المشارك حاليا في البطولة الأفريقية.
وفوجئ مسئولو بعثة المنتخب الوطني للمصارعة صباح اليوم بهروب لاعب المنتخب أحمد بغدودة صاحب الـ22 عاما، من مقر إقامة المنتخب بدون علم أحد.
وحرر مسئولو الاتحاد محضرا رسميا بهروب اللاعب في تونس، حتى تقوم السلطات التونسية بالبحث عنه.
و ظهر أحمد بغدودة في باريس اليوم، بينما تلقى مسئولو اتحاد المصارعة تأكيدات من السفارة المصرية في تونس، أن اللاعب الهارب توجه إلى فرنسا في ساعة مبكرة من صباح اليوم.
ومن المقرر أن يفتح الاتحاد المصري تحقيقا جديدا في واقعة هروب اللاعب، خاصة وأنه ضمن مشروع القومي للموهبة والبطل الأولمبي، والذي تشرف عليه وزارة الشباب والرياضة.
وشارك أحمد فؤاد بغدودة أمس في منافسات وزن 63 كجم بالبطولة الأفريقية للمصارعة الرومانية وحصل على المركز الثاني والميدالية الفضية.
رد فؤادة بغدودة والد لاعب المصارعة الهارب أحمد بغدودة على اتهام اتحاد المصارعة لنجله بالهروب من معسكر المنتخب في تونس إلى فرنسا
وقال والد أحمد بغدودة : ” أنا راجل بسيط سواق توكتوك ومش بعرف أعبر بس عاوز أرد على التصريحات اللي على شاشات التليفزيون أن ابني هارب انا راجل شقيان على ولادي وعندي غيره 2 أطفال وابني مش بياخد 7 آلاف جنيه زي ما اتحاد المصارعة بيقول”.
وأضاف:” ماعنديش مبرر للي حصل أنا داخل أرد على سكرتير عام الاتحاد العام للمصارعة بيقول أنه بياخد 7 الاف جنيه والله إبني ما شاف أكتر من 2200 من المشروع القومي الأوليمبي ولسه بادئين يتصرفوا من شهرين فقط ولايحصل على أموال منذ سنوات طويلة من الاتحاد “.
وتابع والد اللعب أحمد بغدودة : ” أنا راجل على قدي وماعرفش اعبر عن اللي جوايا أنا زعلان ومكبوت على ابني ومش عارف أوصله، إبني معرفش عنه حاجة وماقليش، هو طالع من مصر على بطولة أفريقيا ده اللي أعرفه و كان بيحلم طول عمره وهو شخص أمين ومؤدب وحلمه الوحيد الميدالية الاوليمبية “.
وأردف: ” أنا مكنتش عاوز أرد على الانتقادات اللي وجهت لابني.. إبني مش بياخد راتب بقاله 12 سنة في الاتحاد مخدش جنيه من الاتحاد ومن المشروع القومي 2200 من البريد ومعايا إيصالات تثبت كلامي وبقاله سنة مخدش مليم من الاتحاد وكان مصروف له 16 ألف جنيه خصموا منه 14800 بحجة الضرائب وإدوله 1200 جنيها”.
ابني تعرض لمعاملة سيئة وضغوط كبيرة
ووجه رسالة للاتحاد قائلاً : ” عاوز تعمل بطل ومش بتديله فلوس يعني طول الوقت قاعدين تقولوا الولد هرب، لو كان عايز يهرب من زمان كان هرب من وقت كرواتيا ومعاه التأشيرة ” الشينغل” من مارس الماضي لكن الحقيقة ابني تعرض لمعاملة سيئة وضغوط كبيرة وكفاية معاملة المدرب ليه وبيخلوه يلعب بالعافية وهو مصاب.
أنا اللي بصرف على ابني والله جزمة اللعب بيستلفها
وأكد والد اللاعب أحمد بغدودة : “ أنا اللي بصرف عليه والله جزمة اللعب بيستلفها ”، معقبا: أنا بوجه رسالة لابني: إرجع مصر هي أولى بيك وإحنا أتولدنا فيها وهنعيش ونموت فيها “.
