منوعات
من أغاني أكتوبر.. الكاتب والسيناريست إبراهيم محمد على
من أغانى أكتوبر فى مسرحية اغنية للحياة تأليف الكاتب والسيناريست إبراهيم محمد على.
اركب طيارتك وسفينتك
او لف الدنيا برجليك
خللى رايتنا فى ايدك عاليه
وازعق لم الناس حواليك
قولهم
امنا مصر العظيمه
طالعه بولادها الكتيره
طالعه تتحدى الظلام
قولهم
اللى اتعمل بالدم فى عز النهار
مستحيل حيضيع فى ليل الغدر بايدين الدمار
قولهم
اهل مصر الطيبين
الأمل فى قلبهم
والسلاح فى حضنهم
والاغاني الخضر فى عشوش الحمام
طالعه بتقول السلام
ع اللى بيحبوا السلام
من مسرحية اغنية للحياة
تأليف الكاتب والسيناريست إبراهيم محمد على
الحان عبد العظيم عويضة
بطولة كريمة مختار
