“مش ذنبي إني كنت متجوزة حد مشهور”.. بسمة بوسيل ترد على منتقدي تصريحاتها عن تامر حسني

علقت الفنانة المغربية بسمة بوسيل على الإنتقادات التي تعرضت لها خلال الأيام القليلة الماضية، بعد تصريحاتها الاخيرة عن طليقها الفنان تامر حسني، جاء ذلك خلال لقائها في برنامج “ET بالعربي”.

وذكرت بسمة بوسيل:”مكنتش عارفة إن الحلقة هتعمل الصدى ده كله، وكنت بتكلم عن حياتي وعن نفسي، ومش ذنبي إني كنت متجوزة حد مشهور، وده جزء من حياتي ومقدرش أغيره، ومعنديش مشكلة الناس تعمل اللي هي عايزاه طول ما بعمل اللي مريحني”.

بسمة بوسيل: اللي عايز يتكلم يتكلم مش فارقلي
وقالت: “وده من أفضل الحوارات اللي عملتها عشان حسيت إني كنت مرتاحة وطلعت اللي في قلبي، ومتضايقتش من التعليقات؛ لأن طول ما بعمل اللي بحبه، اللي عايز يتكلم يتكلم مش فارقلي”.

وجدير بالذكر ان الفنانة المغربية بسمة بوسيل، قالت في تصريحات لبرنامج «عندي السؤال»، تقديم الإعلامي محمد قيس، والمعروض على قناة «المشهد»، إنها عاشت علاقة حب، تسببت في انعدام ثقتها بنفسها، وكانت ستُقدم على إنهاء حياتها لولا وجود والدها.

تصريحات بسمة بوسيل التي أثارت الجدل
وأكدت بوسيل: «الحب أبهرني وعماني، وخسرت نفسي بسببه وعيطت كتير، أنا حياتي اتدمرت واتعدمت ثقتي في نفسي، وأبويا قبل ما يموت كان بيقولي عايز أشوفك في يوم سعيدة، وفي فترة أبويا لو مكانش عايش فيها، أنا كنت انتحرت بس هو كان بيدعمني».