الفرصة الأخيرة لاستيراد سيارات المصريين بالخارج .. “س” و “ج” لجميع الاسئلة الخاصة بالمبادرة

18 أبريل، 2024

أيام قليلة وتغلق مبادرة استيراد سيارات المصريين بالخارج أبوابها ، حيث من المقرر أن تنتهي المبادرة في ٢٩ أبريل الحالى وبالتالي يعتبر هذا التاريخ آخر موعد للاستفادة من المبادرة.

ووجه عدد من المصريين في الخارج العديد من الاسئلة والاستفسارات حول المبادرة وخطوات الحصول على سيارة بدون جمارك وفقا لشروط معينة وكيفية تحويل الأموال وغيرها من الأسئلة

و يرصد موقع (مصريون) خلال التقرير التالي الإجابة على جميع الأسئلة التي تدور في أذهان المصريين في الخارج حول تلك المبادرة، كما يقدم الموقعخطوات التسجيل في المبادرة.

أولا: خطوات التسجيل بمبادرة استيراد السيارات من الخارج.

– تحميل تطبيق سيارات المصريين بالخارج من جوجل بلاي او ابل استور.

– ثم الضغط على تسجيل الدخول
– الضغط على إنشاء حساب جديد ويجب إدخال إيميل ورقم تليفون وتليفون مصري او كويتي.

-سيتم إرسال رسالة على الايميل لتفعيل الحساب.

-ثم ادخال البيانات الشخصيه كالاسم والرقم القومى ورقم الجوال.

-ثم بيطلب منك ايبان البنك الاجنبي ( IBAN )وده ايبان حسابك فى دولة الاقامة .

ثانيا: المستندات المطلوبة للتسجيل في المبادرة

-إثبات الاقامة بالخارج صورة البطاقة المدنية.

-كشف حساب بنكي لمدة 6 شهور.

-صورة بطاقة الرقم القومي أو صورة جواز السفر.

-تحديد نوع السيارة المراد نزولها مصر أو الحجز بأقل وديعة مؤقتًا لحجز مكان داخل المبادرة، مثال تويوتا كرولا
٢٠١٥ بلد المنشا اليابان والفئة اساسية واختار مستعمل ومالك اول.

-قيمه الوديعه ٨٢٣ دولار .

-بعد تاكيد الطلب هتظهر بيانات التحويل البنكي ومبلغ الوديعة المطلوب.

-حساب وزاره المالية ورقم الطلب والمدفوعه.

-ثم تزور اي فرع من فروع شركة المزينى للصرافة لتحويل مبلغ الوديعه او حول من خلال تطبيق شركة المزيني للصيرفة.

من هم المستفيدون من المبادره او ما هى شروط الاستفاده؟

– ان تكون مصرى الجنسية.
– أن تملك إ قامه بالخارج .

– أن يكون الشخص بلغ 16 سنه على الاقل
– ان يكون لديك حساب بنكى بالخارج او لدى الزوج او الزوجه فى حالة الزواج او الاب اوالام فى حالة الابناء .

المستندات المطلوبة للتسجيل .

-كشف حساب 6 شهور.

-صورة البطاقة المصريه او الجواز او شهادة الميلاد .

-صورة البطاقة الكويتية.
-ملفات بى دى اف ولا يكون الحجم بتاعهم بالكيلو بايت والا اكتر من عشره ميجا .

-تنزل تطبيق سيارات المصريين بالخارج .

-كشف الحساب مختوم وال مش مختوم.

-كشف الحساب ولا يطلب أن يكون مختوم وممكن الحصول عليه اون الين من خلال تطبيق البنك .

اهم الأسئلة الخاصة بالمبادرة:-

س – هل لازم كشف الحساب يكون حساب راتب؟

ج: مش لازم وسواء حساب راتب او حساب عامل او حساب توفير تقدر تقدم وتشترك بيه وتستفاد من المبادره اى حساب باسمك تقدر تقدم من خلاله وتستخدمه .

س – كشف حساب العامل مش هقدر ادفع منه ولا اقدر اودع والراتب الى بيتم ايداعه بيتسحب على طول ومفيهوش رصيد لظروف خاصه ومعنديش حساب تانى ايه الحل

روح البنك افتح حساب جديد واعمل كشف حساب لحساب العامل ده وكشف حساب لحسابك الجديد وارفعهم على التطبيق .

س – بعد التحويل بيتم قبول الطلب فى اد ايه؟

ج: التحويل بيتم من خلال شركة المزينى للصيرفه وبيتم ايداع المبلغ فى حساب وزارة الماليه تانى يوم من التحويل ومراجعة الورق والطلبات ممكن تاخد من يومين ل عشر ايام عشان يتم تاكيد التحويل البنكى
على التطبيق.

س – تحويل الوديعة بيكون ازاي؟

ج: بعد انشاء الطلب بتروح اى فرع من فروع شركة المزينى للصيرفة بتاخد رقم الطلب ورقم المدفوع والرقم القومى المصرى والموظف بيضيفها فى ايصال التحويل .

س – ازاي أشترك في المبادرة وانا مش معايا فلوس تكفي ؟

ج: اشترك بأي نوع سيارة رخيصة زى تويوتا كرولا 2015 حتى 1000 سى سى او اى نوع تانى .

س – هل التغيير متاح ؟

ج: التغيير متاح طوال فترة الموافقه الاستيراديه خمس سنين مع مراعاة شرط انت مالك اول او تانى للسيارة الفعلية الى هتبعتها وهتكون فى ايدك
لو انت مالك اول فمش مرتبط بسنة صنع ومعاك اذن استيراد خمس سنين … ولو انت مالك تانى يجب الا يتعدى عمر السيارة وقت الافراج لجمركى عن 3 سنين من سنة الصنع يعنى لو السيارة 2020 اخر وقت للنزول 2023 وهكذا

س – هل ينفع في خلال ال ٥ سنوات الجايه أغير اى حاجه فى السيارة؟

ج: اه تقدر تغير اي مواصفات او بيانات او السيارة بالكامل .

س – ما هى طريقة تغيير السيارة من خلال التطبيق؟

ج: عشان تغير السياره او بعض من المواصفات بتدخل على التطبيق ثم حسابى ثم طلباتى
ثم طلب جارى ثم مواصفات السيارة
ثم تغيير السيارة
وبتغير مواصفات السيارة .

س – ما هى كيفية استرداد الوديعة ومتى؟

ج: بتسترد الوديعة بعد خمس سنين من التحويل على حسابك المصرى الى سجلته فى التطبيق وبتستلم الوديعة بالجنيه المصرى حسب سعر صرف الدوالر لدى البنك المركزى فى تاريخ الاستحقاق

س – اخدت الموافقة الاستيرادية ما الخطوة بعد ذلك؟

ج – لو هتشحن السيارة بتشوف مخلص ولو مش هتشحن احتفظ بالفاتورة وكشف حساب البنك وشيلهم لما تيجى تشحن سيارتك

س-استفدت من المبادرة التي اننتهت هل اقدر اقدم فى المبادره والقانون الجديد؟

ج: وفقا للقانون لكل شخص سيارة واحده للاستيراد باسمه .

س – ينفع اقدم لزوجتى او ابنى بكشف حسابى؟

ج: اه ينفع بتسجل فالتطبيق باسمهم عادى وفى بيانات الحساب البنكى االجنبى بتسجل حسابك .

س – هل لازم ابني او بنتي او مراتي يكون عندهم رخصة قيادة عشان اشتركلهم فى المبادرة ؟

ح: تقدر تشترى السيارة باسمك انت ووقت شحن السيارة بتسجل اسمهم فى بوليصة الشحن وبيعامل معاملة مالك تانى يعنى وقت الافراج الجمركى يجب الا يتعدى عمر السيارة عن 3 سنين من سنة الصنع .
س – لا يوجد حساب بنكي بالجنية المصري في مصر أعمل ايه وهينفع اشترك في المبادرة ولا لا ؟

ج : اه ينفع تشترك بدون ماتدخل بيانات حسابك المصري اللي بالجنية المصري ومن اول صدور الموافقة الاستيرادية معاك حتى تاريخ لاسترداد تقدر تفتح فيها حساب بنكي في مصر )أو في البريد المصري( ولما تفتحه تدخل بياناته في التطبيق زدا اللي هيرجعلك عليه .

س -انا عندي حساب بنكي في مصر )ولكن بالدولار ( هل ينفع أحط بياناته واسترد عليه الوديعة بعد ٥ سنوات ؟

ج : مينفعش حساب مصري بالدولار… لازم يكون عندك حساب مصري بالجنية المصري لانك هتسترد الوديعة بعد ٥ سنوات بالجنية المصري

س-أرفع كشف الحساب علي التطبيق قبل ولت بعد اما أحول الوديعة ؟ :
جواب : قبل اما تحول الوديعة مباشرة

س كم مدة كشف الحساب المطلوب ؟ :
ج : آخر ٦ شهور من قبل تاريخ تحويلك للوديعة ولو معاك فتره اقل هات كشف حساب بالفتره الموجوده وشهاده من البنك بتثبت فيها تاريخ فتح الحساب وترفعهم على التطبيق

س ينفع اتخطى بند الحساب البنكى ده .. ليها ثغره او بديل ولال مش هينفع؟؟؟

ج: لازم يتم ارفاق كشف حساب الا لو كنت فى بلد تمنعك من فتح حساب او غير مسموح لك فيها بفتتح حساب

س-انا فى دولة فيها صراعات احول المبلغ ازاى

ج: الدول التى بها صراعات كليبيا او الغير مسموح للمواطنين المصريين لهم بفتح حساب بنكى فيها يحق لهم التحويل من حسابهم البنكى الدولاري فى مصر مع تقديم كتاب من السفارة المصرية بعدم تمكنهم من التحويل بالخارج

س: تحويل الوديعة بيكون ازاي؟

ج: التحويل بيكون عن طريق البنك أو مكتب الصرافة

س: كشف الحساب بتاعى بقاله 3 شهور ينفع اقدم وازاى ارفق كشف حساب 6 شهور؟

ج: تجيب كشف حساب بالفتره الموجوده بحيث متقلش عن 3 شهور وتجيب شهاده من البنك تثبت
فيها تاريخ فتح الحساب وتدمجهم مع بعض وترفعهم فى التطبيق .

س: عندى سيارة سنة الصنع 2020 فى دفتر السيارة 2021 مالك تانى ينفع ولا لاذ؟

ج: ينفع تنزلها تبع المبادره ومتنساش تاخد دفتر السيارة معاك او شهاده من المرور بانها ترخيص 2021 واخر تاريخ نزول ديسمير 2024

س: اسجل سنة الصنع ولا الموديل ولا ايه؟

ج- الاساس فى القانون سنة الصنع والاستثناء الموديل بمعنى ايه.
لو افترضنا انه معاك سيارة مووديل 2022 وسنة الصنع 2021
لو سجلت سنة الصنع فى التطبيق 2021 هتمشى وتعدى من الجمارك
ولو سجلت سنة الموديل 2022 بشرط انك تاخد دفتر السيارة المثبت فيه انها 2022 او شهادة من المرور بانها ترخيص 2022.

س: معنديش رخصه فى الكويت ينفع اشترك فى المبادرة وازاى؟

ج: اه ينفع تشترك فى المبادرة والحل إنك تعمل المعاملة على أبلكيشن المبادرة باسمك عادي، بس تشتري السيارة باسم أي صديق ليك عنده رخصة كويتية ويسلمها لشركة الشحن ويكتب اسمك في بوليصة الشحن، وأنت اللي هتستلمها في مصر وبتكون إجراءاتها بإسمك عادي بس تعامل معاملة مالك تانى يعنى وقت اللفراج الجمركى للسيارة يجب اال يتعدى 3 سنين من سنة الصنع.

س: ما طريقة التسجيل للزوجه فى حال ارفقا كشف حساب الزوج
ج: بتسجل فى التطبيق باميل ورقم فون خاص بالزوجه الايت او الابنه وتدخل بيانات الزوجه الابن او الابنه .

س: لو انا جاتلى موافقه استيراديه ومش عاوز اكمل او استمر فى المبادره استرد الفلوس ازاى وامتى وايه الطريقه.

ج: وفقا للقانون فلازم يعدى سنه على الموافقه الاستيراديه بعدها تقدر تقدم طلب استرداد للوديعه والغاء الطلب وبتسترد بالجنيه المصرى خلال 3 شهور من تقديم الطب. ولكن حتى هذه اللحظه لم يتم تحديث التطبيق للامكانيه فى عمل الغاء للموافقه الاستيراديه ولربما يتم فى الايام او الاشهر القادمه.

س: هل يمكن الاستفاده واستيراد سياره مستعملة؟

ج: نعم يمكنك ذلك فلو انت مالك اول للسيارة فغير مرتبط بسنة صنع ومعاك حتى 2028 ديسمبر.. اما لو مالك تانى فالسياره المستعمله يجب والا يتعدى عمرها وقت االفراج الجمركى عن 3 سنين من سنة الصنع مالك تانى .

س: لو مقيم بالخليج يقدر يستورد من دوله اخرى؟

ج: نعم يمكنك ذلك ويتم دفع الوديعة على اساس دولة االقامة وتستورد من اى دوله اخرى مفيش مشكله

س: لو انا غيرت السيارة امتى استرد الوديعه؟

ج: فى حالة تغيير السيارة الخرى يتم استرداد الوديعة من تاريخ اخر تحويل خاص بالوديعة.

لا يوجد معي الان أموال هل اقدر اسجل وادفع لاحقًا ؟

ج: نعم يمكن التسجيل والدفع لاحقا

“العزيز زائر وعضو الموقع، فضلاً اشترك وشاركنا على منصاتنا المختلفة.

تفاعل معنا لنكونَ دائمًا في الصدارة، ونستمر في تقديم كل ما هو مفيد وفي الصالح العام.. كن إيجابيًّا وشارك في النجاح.”

مصريون في الكويت: www.egkw.com

فيس بوك: www.facebook.com/egkwcom

انستجرام: www.instagram.com/egkwcom

تويتر: https://www.twitter.com/egkwnet