لأول مرة! اللواء سمير فرج يهنئ الجالية المصرية في الكويت بمناسبة شهر رمضان المبارك (فيديو)
وجه اللواء حرب دكتور سمير فرج في فيديو حصري نشره موقع (مصريون في الكويت) التهنئة للجالية المصرية في الكويت بمناسبة شهر رمضان المبارك.
وقال اللواء حرب دكتور سمير فرج في تهنئته: “أعضاء الجالية المصرية في الكويت اسمحوا لي أتصل بيكم وأكلمكم أنا اللواء حرب دكتور سمير فرج.. أنا مصري من أبناء القوات المسلحة،وببعتلكم في الكويت أقولكم كل سنة وأنتم طيبين ورمضان كريم… وعايز أقول إني زي ما حاربت 4 سنين قبل كدا، في اليمن 4 سنين وحرب 1967، وحرب استنزاف لمدة 6 سنوات، وحرب أكتوبر 1973.. بقولكم أنتم كمان بتقاتلوا .. وهذا الكلام ليس معنويا بما اني كنت أتولى إدارة الشئون المعنوية.. لأ أنتم فعلا كل واحد منكم بيقاتل في مكانه”.
المصريون في الكويت يقاتولون لأنهم يدافعون عن سمعة بلدهم ويرسلوا أموالهم كدعم للاقتصاد
وأضاف اللواء حرب دكتور سمير فرج: “أول حاجة كل واحد فيكم بيعملها إنه بيدافع عن سمعة مصر لو أنت في مصر وبتسمع أي حاجة عن مصر ممن تطنش لكن وأنت برا مصر لو سمعت حد بيجيب سيرة مصر هتقتله, وأنت أصلا بتقاتل لمصر علشان تجبلها فلوسك بالعملة الصعبة وتحولها لمصر، والشعب الوحيد اللي بياخد فلوسه يرجعها زي ما هي لبلده الشعب المصري، لا اللبناني بيعمل كدا ولا السوري بيعمل كدا.. كل واحد عنده حسابات إلا المصري بيبعت فلوسه لبيته وبلاده.. يبني بيت في البدل أو يعلم ولاده. علشان كدا المصريين في الخارج بيقاتلوا.. وانتم في الكويت بتقاتلوا لأنكم بتدافعوا عن سمعة مصر وبترسلوا دعم للاقتصاد المصري”
استمروا في الدفاع عن بلدكم لأنكم جنود مصر في الخارج
وتابع: “فيه ناس هتكون زعلانة من حاجة معينة حصلت قريب..مش مشكلة أعتقد إنها هتتحل قريب.. إنما أنا عايز أقولكم كل سنة وأنتم طيبين ورمضان كريم. وربنا يوفقكم.. وهتفضلوا تدافعوا عن مصر في كل وقت,, أنا عشت كتير برا مصر ولفيت العالم كله وعارف المصريين بيعملوا إيه لبلدهم.. علشان كدا بقولكم كل سنة وأنتم طيبين مرة تانية وبقولكم استمروا في حبكم لمصر ودفاعكم عن مصر.. وعايز اقولكم حظكم وحش لأن رمضان في مصر حاجة تانية زي ما بتقول الأغنية .. وأنا ياما عشت رمضان في دول تانية محستش بطعمه زي في مصر,. لكن السوشيال ميديا سهلت الدنيا وبتكلموا ولادكم وأهلكم وبتتابعوا التليفزيون،وتشوفوا المسلسلات ورامز ومشاكله.. بقولكم تاني كل سنة وأنتم طيبين واستمروا في الدفاع عن مصر لأنكم جنود مصر في الخارج.