السيسي: استطعنا القضاء على موجة الإرهاب بنسبة تقترب من 100%
أكد الرئيس عبدالفتاح السيسي، أن ترقية المقدم البطل طارق عبدالوهاب من رتبة المقدم إلى رتبة العقيد، نوع من أنواع العرفان والتقدير .
وقال السيسي خلال ترقية المقدم طارق عبدالوهاب في احتفالية عيد الشرطة الـ 71، إن أبطال الشرطة حموا البلد من “الأشرار ومش عاوزين ننسى الثمن ولا الحالة اللي قعدنا فيها سنين” .
وتابع :”مش عايزين ننسي الحالة اللى قعدنا فيها سنين، لو كانوا قدروا علينا كانوا ذبحونا.. وقولت هنا بفضل الله وكرم منه إحنا استطعنا القضاء على الأرهاب بنسبة تقترب من 100%.. بولاد مصر.. من الأسر البسيطة في كل أنحاء مصر”.
وواصل “أشكر طارق باسمي واسم كل المصريين.. وهنا الترقية وحتى العرفان ده مش كفاية.. العرفان والترقية وكل راجل زي طارق من الجيش والشرطة.. أن البلد تفضل تتقدم للامام.. ويفضل شعبها مستعد وفاكر تضحية أبنائه”.
وقال إن “عملية التذكرة اللى بقولها علشان كتير مننا ما يضيعش الجهد والدم خلال 10 سنين من المواجهة.. والبلد ما وقفتش فيها ابدا.. وقالت إحنا بنقاتل إرهاب.. فضلت تعمل ده بالجيش والشرطة وأجهزة الدولة.. وناس تانية تكافح وتشتغل علشان تغير حياة الناس.. علشان كده ما كانشي هيفوتني.. أني اشكرك وربنا يديك الصحة والعافية ويحميك ويحمي اللى زيك.. شكرا جزيلا”.
وأوضح ” أنا عايز أقول ياطارق إن الترقية مش هتعوض كتير إنما هي شكل من أشكال العرفان والتقدير والاحترام مننا لللي إنت عملته وعمل زيه من الشرطة والجيش”، مستطردا عاوز أقول لكل اللي مش موجودين معانا هنا ولظروفهم العمليات اللي كانت في العشر سنين اللي فاتوا مواجهة الإرهاب أفرزت كثير ما بين شهداء ومصابين، وأنا يهمني أقول للناس في مصر أرجو انها متألمكش ياطارق .. يا ناس مين يعوض على طارق ده يا ناس ياللي بتسمعونا وبتتفرجوا علينا دلوقتي في رجال كتير زي طارق كتير منهم الي قدموا روحه واللي قدم حتة من جسمه علشان خاطر مصر، علشان الدولة تتقدم وتستمر “.
وقد وجه المقدم طارق عبد الوهاب، التحية للرئيس السيسي، خلال مشاركته باحتفالية عيد الشرطة الـ 71، قائلا: “النهارده بتشرف بوجودي قدام سيادتك، واسمح لي أقول يا فندم إنهم حاولوا
