أول تعليق للرئيس السيسي على شائعات كوبري سميرة موسى
قال الرئيس عبد الفتاح السيسي، رئيس الجمهورية إنه يتمنى من مدَّعي حمل راية الدين أن يكونوا أمناء وشرفاء ومخلصين.
وأضاف الرئيس السيسي، أن كلامه هذا وفقًا لتجربة موجودة، معلقًا على صورة كوبري سميرة موسى المتداولة، لافتًا إلى أن حالة التشكيك موجودة ضد البلد من 80 سنة.
وتابع السيسي: طب الحالة دي هتطلع إيه، هتطلع رأي عام إزاي، قدرته على الصمود عاملة إزاي؟ كنت أتمنى يكون فيه صدق أمام الصدق، قسمًا بالله لم أتحدث كذبًا قط في أي حاجة، كنت أتمنى يكونوا صادقين في تناولهم، انت مش جربت وانت بتتولى كانت هتخرب منك، كنت هتقابل ربنا وانت بتضيع 100 مليون، هو مايعرفش، الدولة دي حكاية كبيرة أوي، عايزة من المهتمين بالموضوع قراءات كبيرة لسنوات كبيرة، وقبل ده يكون فيه قرار إلهي إن الدولة دي متروحش، وأنا أقدر أطمئن لده بوضوح بالنسبة لي.
وأضاف السيسي، عبر كلمته خلال فعاليات المؤتمر الاقتصادي مصر 2022، اليوم الأحد: عايز أقول للناس، حتى في الإعلام، إن التظاهر في بلاد معينة خلَّى الدولار مش موجود، الناس فرحانة بالتصفيق، وكل أرصدة المودعين بالدولار، يا ترى في 2011 و 2013؛ مستعدين لتكلفة التغيير، اللي هي على الأقل 470 مليار دولار، وتنزلوا انتو وتطلع انت وتقولوا خلَّص، اوعى تقول لي اطلع انت خلَّصها، هاخلَّصها إزاي لوحدي؟!
وتابع الرئيس: أنا جيت في حملة 2014 قُلت أنا لها أنا لها، اديتكم وعود جميلة؟ لأ، قلت التحدي كبير وأكبر من الدولة المصرية كقيادة وحكومة؛ لكن مش أكبر من الشعب.
وشهد الرئيس عبدالفتاح السيسي، اليوم، انطلاق فعاليات ” المؤتمر الاقتصادي- مصر 2022″ الذي تنظمه الحكومة على مدار 3 أيام في العاصمة الإدارية الجديدة.
